Per parlare di Eduardo De Filippo (1900 - 1984) non basta certo lo spazio di un post. Siamo di fronte ad uno dei grandi del '900, un uomo/attore/autore/poeta che ha dato una dimensione mondiale alla tradizione del teatro napoletano, quella già così bene incarnata dal padre, Eduardo Scarpetta.
A volo di uccello sulla sua produzione più famosa: chi non conosce Filumena Marturano, Questi fantasmi o Sabato, domenica e lunedì ? Chi non si è commosso con Natale in casa Cupiello o Le voci di dentro ? Chi non lo ricorda al cinema in L'oro di Napoli o in Tutti a casa ?
Ma Eduardo è stato anche uno straordinario poeta, attività testimoniata dalle importanti raccolte Il paese di Pulcinella (1951), Le poesie di Eduardo (1975) e 'O penziero e altre poesie di Eduardo (1985).
Gustatevi questo antipasto...
' A fenesta
E tengo na fenesta a pianterreno
c'affaccia int'a na strada scanusciuta
cu n'aria profumata, e na veduta,
ca si t'affacce, nun t' 'a scuorde cchiù.
Si stongo 'e buonumore, affacci' a mmare,
e veco semp' 'o stesso bastimento
ca parte chin' 'ne fede e sentimento,
e c' 'a bandiera d' 'a sincerità.
Parte ciuro, e nun arriva maje.
Quanno s'abbìa, sabbìa c' 'o maistrale;
ma ncòccia sempre 'o stesso tempurale,
'o stesso maletiempo, e adda turnà !
Quanno senza speranza, e senz' ammore
m'affaccio e vec' 'o stesso bastimento,
nce mengo dinto 'o core mio scuntento,
e c' 'o mare ntempesta dico: "Va".
Quann'è bontiempo, ognuno è marenaro
e se vulesse mettere a temmone...
C' 'o mare ncalma, tutte songo buone
'e purtà nu vapore a passià.
Miéttece a buord' 'o bene ch' 'e voluto,
e tutt' o chianto amaro ch' è custato...
Nisciuno bastimento s'è affunnato
quanno ce' 'e miso a buordo 'a verità.
'O rraù
'O rraù ca me piace a me
m' 'o ffaceva sulo mammà.
A che m'aggio spusato a te,
ne parlammo pè ne parlà.
Io nun songo difficultuso;
ma luvàmmel' 'a miezo st'uso.
Si, va buono: cumme vuò tu.
Mò ce avéssem' appiccecà ?
Tu che dice ? Chest' è rraù ?
E io m' 'o mmagno pè m' 'o mangià...
M' 'a faje dicere na parola ?
Chesta è carne c' 'a pummarola.
Penziere mieje...
Penziere mieje, levàteve sti panne,
stracciàtev' 'a cammisa, e ascite annuro.
Si nun tenite n' abito sicuro,
tanta vestite che n'avit' 'a fa ?
Menàteve spugliate mmiez' 'a via,
e si facite folla, cammenate.
Si sentite strillà, nun ve fermate:
nu penziero spugliato 'a folla fa.
Currite ncopp' 'a cimma 'e na muntagna,
e quanno 'e piede se sò cunzumate
un'ànema e curaggio, e ve menate...
nzerranno ll'uocchie, primm' 'e ve menà!
Ca ve trovano annuro ? Nun fa niente.
Ce sta sempre nu tizio canasciuto,
ca nin 'o ddice...ca rimmane muto...
e ca ve veste, primm' 'e v'atterrà.
